41

Материалдар

Жаңа жыл

  
 
 
 
 
 
 
 

 

2013 жылы 28 желтоқсанда мектебімізде жаңа жыл мерекесі аталып өтілді. Мереке әрбір сыныптың қойылымдарымен, Аяз ата мен Ақшақардың қызықты ойындары жүргізілді. Жаңа жыл мерекесімен құттықтау сөз алған мектеп директоры С. Қизатов балаларды  келе жатқан Жылқы жылымен құттықтап, жақсылық, оқушыларға оқуда озат,әрқашан биіктен көрінуді тіледі.

 2 

 

 

 Ұлы жеңіске 70-жыл

 

Тегістік ауылындағы Ұлы Отан соғысынан қайтып оралмағандар.

Адамов Хасен                                                               Айсабеков Ғаллам
Арынов Шәріпзада                                                      Айғожин Тілепалды
Арынов Қанапия                                                          Айғазин Тоқтар
Аймышев Мағзам                                                        Айтқұлов Олжабай
Алтаев Сейсен                                                             Адамов Құрманғазы
Әбілқайыров Темірғалы                                              Әбілқайыров Тәңірберген 
Әбенов Әніш                                                                Әубәкіров Темірхан
Әбдірахманов Хасен                                                    Байтемиров Баймағамбет
Баяндинов Қаймолда                                                   Бандинов Долда
Бақтияров Дулабай                                                      Бабаев Мағыпыран
Бабаев Мүкәрәм                                                           Балтабаев Емберген
Дошанов Сағынай                                                       Жекеев Қайырбай
Жұмасанов Қайырбай                                                 Жүсіпов Нұрахмет
Жүсіпов Даулет                                                           Жұмабаев Сағадат
Қайыркенов Ғапбас                                                     Қайыров Бәжен
Қарабаев Жақсылық                                                    Мықтыбаев Иманбай
Мұқанов Сләмғали                                                      Майлыбаев Аяған
Нұрғазинов Әбу                                                           Нұркенов Жұмабек
Нығыманов Қайыр                                                       Омаров Сұңқарбек
Омаров Сіләмбек                                                          Рысқұлов Имантүсіп
Рақымжанов Мағзұм                                                    Садықов Жексен
Садықов Көрпебай                                                       Садықов Кенжебай
Сызыдов Хамит                                                            Сыздықов Байғабыл
Сабыров Қыстаубай                                                     Сунгатуллин Вагиз
Смағұлов Сәрсенбай                                                    Садуақасов Көке
Тұяқов Қажыбек                                                           Хасенов Әлібек
Хасенов Ботабай                                                           Уақбаев Қайыр
Шәріпзадинов                                                                Рамазан Шойынбаев Бейсенбай
Амангельдинов                                                              Нәби Садуақасов Шайдолла
Етекбаев Жолат                                                             Қуандықов Қасым
Нұрғазинов Мукәрәм                                                    Нұрғазинов Мұхит
Сүлейменов Қыдырәлі                                                  Сүлейменов Аяпберген
Рамазанов Құдайберген                                                 Ыбыраев Қайырбек
Ыбыраев Рысбек                                                             Мұқашев Мағзам
Бекишев Қазен                                                                Сағалбаев Тоқтар
Зайырбаев Жанәділ                                                         Дайкенов Зейнелқабиден
Байғабылов Қалиасқар                                                   Жақсыбаев Зейнілқали
Бисенов Жұмағұл

 

Тегістік ауылындағы Ұлы Отан соғысынан аман оралғандар.

Айтбаев Сіләм                                                                    Аятов Бейсенбі
Алтаев Хабимолла                                                             Әбдрахманов Ақылбек
Әбдрахманов                                                                       Ризабек Байтемиров Ысқақ
Бекжанов                                                                             Ақжігіт Бейсенбаев Есмұхан
Жүсіпов Қажмұхамбет                                                      Жүнісов Ахмет
Жемтиков Омар                                                                 Жолдыбаев Құсайын
Қасиев Нұрахмет                                                                Қияқов Ақылбек
Қасымжанов Бәкен                                                             Майлыбаев Бердіқожа
Рахымжанов Мағзым                                                         Сымайылов Айдархан
Талипов Орал                                                                       Талипов Қайыр
Тілегенов қабыш                                                                   Хасенов Рахымбек
Былқыбаев Хасен                                                                  Нысанбаев Жақсыбек
Рыскулов Нұрғазы                                                                Жақыпов Хамит
Асқапов Кенесары                                                                 Әубәкіров Мағзым
Бейсенбаев Саттар                                                                 Бақтияров Жолат
Баяндинов Төкібай                                                                 Қасымжанов Балташ
Мұқанов Жолат                                                                      Ләтин Зәрел
Сүлейменов Мұқамедия                                                        Сымағұлов Жақсыбай
Шайзадинов   Мұхит                                                              Шунтинов Сатығұл
Шайкенов Үсейін                                                                    Ильяшев Темірғалы
Мұхамбетов Баукен                                                                 Қимайденов Қабдылкәрім
Жетпісов Шәкәр                                                                       Қасымов Қалкен
Шорманов Бейсенбі                                                                  Рыскулов Қабен


                               

Тылда еңбек еткендер.

„Еңбекпен жер көгереді„ дегендей, еліміздің тарихын жасайтын қарапайым халық арасынан шыққан ерекше тұлғалар, қабілетті азаматтарымыз арамызда баршылық. Сол ардақты қарияларамыздың бірі осы Тегістік ауылында тұрады, еңбек ардагері Манзура Бақтиярқызы Қасымжанова. Өмірде талай қиындықтарды басынан өткерген тыл еңбеккері, сегіз баланың анасы Манзура апай 1928 жылы 3 ақпанда Тегістік ауылында қарапайым отбасында дүниеге келген. Отбасында 3 бала болған. Дулабай, Жолат ағалары және Манзура апай. Жаңа Құрылыс ауылында 3 сынып қана бітірген. Ауылға барып келу қиын болғандықтан 4 сыныпты бітіре алмаған. Жастайынан ауыр еңбекке араласып, жұртпен бірге аштық пен соғыс ауыртпашылығын көрген апамыз өз әңгімесін былай бастады: „Соғыс басталған кезде 15 жаста ғана болатынмын. Сол кезде үстімізге киетін киімде болған жоқ. Аяғымызда шәрке, ал үстімізге канар қаптан юбка тігіп киетінбіз. Шәрке дегеніміз — қайыстан, қойдың терісінен жасалатын аяқ киім. Тыл жұмыстарында 10 шақты қыз болатынбыз, өгізбенен жер жыртып, таң атқанша өгізді жетектеп жүрдік. Нан да болмаған. Егінді комбайынмен егетінбіз, бидайды бір жерге үйіп қойып соны тырнауышпен тырнап, арбамен әкелетінбіз. Соғыстың бізге көрсетпегені жоқ. Жастарды әскерге әкететін, ешбіреуінің рұқсатында сұрамайды. Соғыс кезінде Жолат деген ағам хабарсыз кетті. Уақыт зымырап алға жылжып жатты. Соғыс аяқталысымен, 1948 жылы соғыс майдангері, көптеген орден, медальдардың иегері Балташ аталарыңмен тұрмыс құрып, отау тіктік. Қазір 8 баланы тәрбиелеп өсірген бақытты анамын. Өкінішке орай ол кісі 1999 жылы дүниеден өтті. Өткен жылы 10 жыл толды. Қазіргі уақытта 15 немерем, 5 жиендерім, 4 шөберем бар. Ең бастысы ел аман болып аспанымыз ашық болсын деймін„ деп өз әңгімесін Манзура апай аяқтады. Манзура әжемізге тілейтініміз зор ден-саулық, мол бақыт, ашық аспан, балаларыңыздың, немере, жиен, шөберелеріңіздің қызығын көріп жүруіңізге тілектеспіз.


                Мукашев Барақбай Мағзұмұлы
1929 жылы Нижний Боганда дүниеге келген. Әкесі Мағзұм 1941 жылы ауырып, Лебяжыда емделіп шығады. 1942 жылы Ұлы Отан Соғысына кетіп, қайтып оралмайды. Ол бірнеше рет жарақаттанып госпитальде жатады. Барақбай Мағзұмұлы әкелік орнын білдіртпей, анасы Шолди мен бауырларына көп көмек көрсетеді. Ол 12-13 жасынан жұмыс істейді. 1945 жылы соғыс бітіп, 1946 жылдары медальдарға ие болады. 1941 жылдардан бастап жұмыс істегеннен 1959 жылы Қазақстанға көшіп келеді. 1960 жылдардан бастап 1992 жылға дейін мал шаруашылығында жұмыс істеді. 3 ұл, 3 қыз тәрбиелеп өсірді. Ұлдарын ұяға, қыздарын қияға қондырып, қазір 6 немере, 1 шөбере көріп отыр.

                    Тылда еңбек еткендер
Шорманова Раушан Хасанқызы 1929 жылы 1 қаңтарда дүниеге келген. Жастайынан көп қиыншылық көрген. Соғыс кезінде Новосібір облысы Убынскин ауданы,Кондышова селосында жұмыс істеген. Онда бидай ұшырып ,шөп шауып сауыншы жұмысын атқарды.Жұбайы Шорманов Бейсенбі қайтыс болғаннан кейін,1982 жылы зейнетке шыққан.Істеген еңбектері үшін медальдармен марапатталған.Аяулы анамыз,ақ жаулықты әжеміз 81 жасқа толды.
                                     

              Тылда еңбек еткендер

Жұмасанова Сәруар Шайқықызы 1931 жылы 30 қазанда Октябрь таңы ауылдық аймағында дүниеге келген. Әкесі Шайқы Жаңғазыұлы мен шешесі Шарипа Сатыбалдықызынан 3 қыз болған.Апалары Қайныл,Әйгерім.
1940жылы 1 мамырда шешесі қайтыс болған.1941 жылы Ұлы Отан соғысы басталған кезде әкесімен бірге пошта тасыған.1943 жылы денсаулығына байланысты трофимовкаға көшіп келді.Бұл жерде соғыс біткенше астық күзетінде жұмыс істеген.1946 жылы Тегістікке көшіп келіп , әкесі мал күзетіп өзі мал бағыпты.Содан кейін 1948 жылы трактордың оқуына барған.Қаужахметов Сейтахметпен бірге 6 ай трактор жүргізуші болып жұмыс істеді.1949 жылы Лазов ауданына және Маленькое озеро елді мекеніне жол өңдеуге барған. 1950 жылы Жұмасанов Сейтахметпен отау құрады.Сол жылдары тракторда, комбайнда жұмыс істеді.Қазіргі уақытта алты баланың анасы,немере, жиендерінің қызығын көріп бақытты ғұмыр кешуде.

             Тылда еңбек еткендер

Жақиұлы Елеусіз 1989 жылы туған. 9 жасында әкесі Жақидан, 15-16 –лар шамасында шешесі Жәмиден жетім қалды.Коллективтік шаруашылық құру кезңне қатысқан.1938 жылдан 1954 жылға дейін «Коллоссный» және «Нати» тракторлерінде жұмыс істеген. Сол кездегі МТС директоры Никитенконың сұрауымен отан соғысынан бронмен қалған. Кейінгі жылдары зейнеткерлікке шыққанға дейін мал шаруашылығы саласында жұмыс істеді.
Отан соғысы кезіндегі еңбек үшін «Тылдағы ерен еңбегі үшін » медалімен, 1954-1958 ж.ж. арасындағы «Еңбектегі ерен еңбегі үшін » медалімен және колхоз басқармасының ұйғарымымен бүкілодақтық көрмеге ұсынылып ,медальмен марапатталған. 1955 жылы 97 жасында қайтыс болды.